BALL ROOM教路：旋轉層層塔

BALL ROOM觀塘駱駝漆分店咁大，緊係唔淨止得上次介紹過嘅電流棒玩啦！獨特嘅遊戲仲有旋轉層層塔(Rolling Jenga)，全香港獨一無二嘅巨型層層疊，同你平時玩開個隻層層疊完全係兩回事嚟架！好啦，小編已經忍唔住要同大家分享一下呢個遊戲嘅特別之處喇！

呢個可以至少比四個人玩嘅旋轉層層塔，玩法好簡單，只要將積木放上去圈圈位，一直疊至積木倒塌，咁就為之輸喇！但係你地千其唔好睇小疊積木呢個過程，因為旋轉台會一直移動，想疊得好整齊，諗住咁就實會羸？真係唔係咁容易架！
積木籌碼
層層塔嘅積木總共有三隻，分別係40分、20分同埋10分，各有十件。40分嘅積木最厚最大舊，所以通常都會喺遊戲初期盡量疊多啲。四個人疊到咁上下高之後，就係時候放薄身少少嘅20分同最薄嘅10分積木喇！輕身嘅緣故，玩家多數都會利用呢兩隻積木設陷阱比對手，專登擺得鈄小小，下一個對手分分鐘就輸喇！而輸咗之後，計下邊個玩家剩低嘅積木籌碼分數最低，咁佢就為大贏家喇！你睇下，層層塔高到就快掂天花板喇！小編都唔知點樣再疊上去喇！每個玩家位置都有三級樓梯，可以輕鬆企上去再疊，所以大人細路都岩玩架。跌哂之後記得幫手執番擺入木箱呀！
仲想玩得開心啲？無問題！大家不妨試下加入其他小遊戲，令每位玩家喺疊層層塔嘅過程入面唔止眼要定手要快，連個腦都要轉多幾轉！例如：
1. 限時內輪流講出飲品、點心名
2. 限時內輪流唱某一歌手嘅歌
(呢個難呀，如果你撞正有五音不全嘅隊友，小心笑到你疊唔到！)
除左玩之外，鍾意影相嘅朋友嚟BALL ROOM玩，千其唔可以錯過企喺樓梯上面呢個靚角度荀位！
同朋友自拍夠哂光，仲可以影埋隔離桌上冰壺頂部嘅設計！女神相、閏蜜照抑或放閃相都無難度！
全港獨一無二嘅旋轉層層塔適合唔同年齡嘅人，自認係遊戲達人嘅你，小編真心推介呢個旋轉層層塔，因為個game真係無得輸！