童話 永遠都會喺相信嘅人心裏

子華神話齋:「失戀唱情歌，即喺漏煤氣閂窗」咁分手後獨自唱同前度嘅合唱歌呢?
早前方力申應邀上《流行經典五十年》做嘉賓，演唱代表作《好心好報》《好心好報》喺小方同Stephy六首經曲合唱歌之一(其餘包括:《好好戀愛》、《十分·愛》、《我的最愛》、《七年》以及《同屋主》)。雖然第一首合唱歌派台至今已經15年(2003年派台)，但咁多年嚟仍然喺卡拉OK嘅熱門合唱歌。每次去唱K，都總會有人點佢哋嘅合唱歌
可惜呢對金童玉女只喺我哋眼中嘅童話，二人嘅十年情已於2016年告吹

節目只有小方一人亮相，經典合唱歌變成獨唱，唔少網民都表示好感慨，更覺得有失戀後一個人唱K嘅落寞感覺
加上新一季《美女廚房》開拍在即，電影台揾返當年Stephy上節目嘅片段宣傳，令一眾歌迷更感心酸
雖然《好心好報》同《好好戀愛》喺大熱合唱歌，但當年小方喺有推出獨唱版，並唔喺因為今次節目而改編。可能因為合唱版太經典，大家都唔記得其實小方嘅獨唱版先喺原版
雖然二人未必再有機會同台合唱，但佢哋依然會喺我哋心目中嘅美好童話，相信佢哋最終都會揾到屬於佢哋嘅幸福

P.S. 其實二人仲有2首較偏門嘅合唱歌 - 《一手一心》同《重愛》(《我的最愛》國語版)