不正經的魔術講師與禁忌教典

動筆動畫化 於 12/04/2017 發表 收藏文章
一開始睇PV,已經覺得幾有驚喜,就好開心咁去等。(因為3月時睇到介紹,嗰時重未有)

之後我都有搵返輕小說嚟睇,其實已經做咗小小心理準備,

見到男主角咁無賴(文字上),都重有啲想像空間,唔會太差。

之後睇到白貓玩公主個胸(文字上)... ..唉... ...

算啦,佢唔係男主角意外睇到女仔裸體或者龍爪手都算... ...真係睇到好厭... ...厭到一個點... ...

之後睇到又係啲指定場面... ...光明正大闖女子更衣室(文字上)... ...可唔可以唔好咁爛呀?

日本輕小說係咪死得架啦?

直到捱到佢正式上堂... ...終於有啲嘢睇下... ...玩魔法(文字上)... ...

但真係太倦睇唔到落去。之後更新咗兩集都唔知... ...因為真係對呢套野好失

直到兩日前,見到佢更新,一次過睇... ...

比想像中重差... ...我實情覺得PV好似係另一套動畫咁... ...

不過算,反正都有兩集,睇埋佢... ...

竟然比一個意外嘅畫面有驚喜!

就係白貓比人強姦(差小小)個下,

終於唔要係啲幼稚都無論嘅畫畫,

不過首先要講清楚,要睇H,我會覺得睇淫僧,

但係呢一個位出現係呢套嘢到,真係救咗呢套垃圾,

其實故事有好多空間可以發展,但就因為玩太多無聊又悶安排,

節奏又太快咁飛故事,搞到套嘢垃圾咗,

係呢個時候做一個正常嘅吸精畫面,真係個人都醒哂!

少年動畫係要有鹽花,但唔係下下都露肉先好睇!(呢點就係我唔想再睇妖尾嘅原因)

日本動畫班人近年真係癲哂,咩都要露或者性騷擾,有原因先好睇架嘛... ...

我真心覺得就係呢一個畫面,之後配合返男主角嘅渣滓回應又要救人,

咩分都返哂嚟。

如果唔係我真係肯定唔會再睇第三集。

同期都有兩三套新嘅好嘢有驚喜!(不過我知大部份人都會覺得係悶嘢,但我就好鍾意)

《末日時在做什麼?(略)》女角畫得幾靚,男嘅太正常,不過係咁嘅故事就無所謂。

《愛麗絲與藏六》愛麗絲玩到爛嘅橋,不過好驚喜嘅嗰個阿伯!好有人物特色!好鍾意睇呢個阿伯!

《SAKURA QUEST》靚嘅畫功,清新嘅故事,已經好足夠!好睇!

九細佬


留言


請按此登錄後留言。未成為會員? 立即註冊
    快捷鍵:←
    快捷鍵:→