ViuTV 的《一拳超人》! 影音

動筆動畫化於 10/04/2017 發表 收藏文章

首先我係一個粵語嘅殘粉,
所以有粵語配音而且係合法,就一定會睇!
其實Rubber Band 唱呢首歌,
我係興奮到不得之了!
因為我幾鍾意Rubber Band,
所以我更加唔會將原唱個隊勁到爆嘅JAM Project 嚟比較,
反觀我覺得Rubber Band 唱得幾好,
只係有啲唔明,去到星期六個晚出街時,有小小唔同咗。

套嘢嘅內容,唔洗講。
但想提一提今次嘅ViuTv嘅粵語配音,
可能始終都係電視出街,
有啲位都唔夠放去玩,
雖然有加好多本土嘢落去配,
但用字都唔夠銀魂(J2)個邊玩得咁癩,
不過都唔係太大問題,
唔係太執著嘅觀眾都一定會照單傳收!

其實好耐之前,
《進擊的巨人》J2買咗,都有令我有追睇返動畫嘅衝動,
不過就真係撞唔到時間。

今次咁好彩睇睇下金像獎,
見FACEBOOK有Share出嚟,
即刻好興奮咁等23:00,
連邊個係男女主角都唔想理,睇完最佳導演講感想就轉台。

熱血咗20分鐘,
又有一種期待下星期又有得睇嘅感覺,
真係正過係網上睇到爛嘅感覺,
亦都因為咁,
我係鍾意「追劇」多過「煲劇」,
唔鍾意一次過。
我就係覺得一個好嘅作品係應該每星期去睇,(Re-Life例外,我會係用一季嘅時間睇幾次(每次13集))
而唔係將13集一次過睇哂,
一次過睇哂,只係需要大概300-400分鐘,即係半日唔洗嘅關係。
但如果每星期都抽25分鐘嚟睇,就會有13個星期嘅關係。
之後唔會再翻轉頭(除非你好似我咁重新再睇),
我會覺咁樣睇動畫會開心好多,
亦都反應咗你對呢個作品嘅熱情,
可能因為咁影響到我自己寫作都係每星期出街。

不過都係算啦,宜家大家睇劇幾十集都係一口氣煲,
我呢種異類好難令人明白「追故」個種興奮同期待嘅心情,
我都只係分享一下繼《鋼鍊》之後,可以再有「追劇」嘅衝動係好正唧。

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→