ViuTV嘅暗殺教室... ...被佢地腰斬咗喎... ... 圖片

動筆動畫化於 18/10/2017 發表 收藏文章
講下笑即,不過係15/10 星期日嗰晚,我真係乖乖地係到等睇「暗殺教室」。

點知... ...佢播住套好有意思、好有義意嘅記錄片,係10:30做到11:30(應該係)

咁我當然係呆咗,我想睇啲好有意思嘅二次元動畫即,唔係想睇咁有人性嘅三次元故事,

何況香港周街都係,你落街搵個老人家問下,多多都有得你聽,

所以我都唔想係電視再睇呢類節目。不過呢啲都唔係重點,

點解完全無通知話「暗殺教室」停播?

首先,我想講明一點,我有跟ViuTV嘅page。但大家都明,

FB係只會收到你唔想知睇嘅廣告,所以我係唔知VIUTV有無係FB講呢個消息,

之後我上官網睇,係咪「暗殺教室」收視太低腰斬咗呢?第一季都未播完喎。

點知官網係咩都無講,可能係我根本唔識上佢哋個網喇,我唯一搵到有關「暗殺教室」嘅係呢張圖。


(唔想幫佢哋嘅廣告商唧,要賣就更係賣自己廣告。)

其實我主要想講嘅係佢哋未播第十六集。

咁點呢?幾時做?唯有係FACEBOOK問,

一問之下我就明!原來佢地係唔用FACEBOOK嘅,除咗發佈訊息,因為佢地只會電腦應機。

咁... ...唯由SEND EMAIL去問下,我唔想打電話。

「我問一問「暗殺教室」係咪已經唔再播落去?因為上星期想睇,但突然轉咗節目。...//」

係E-MAIL問咗一次,佢哋就話:

「節目 “暗殺教室” 將於2017年 10月22日晚上11時正播放第16集。敬請留意收看。...//」

啊!其實呢位小姐都回覆得我好快,咁我唔想下一次又係咁,我就再問落去:

「//... ...係我事先一直都唔知到原來有咁嘅節目調動,而且我根本就唔知你哋有公佈過呢個消息,... ...你哋突然唔播我又唔知咁點算?... ...//」

之後佢又好快咁覆我:

「//... ...由於上星期有特別節目調動安排, 因此「暗殺教室」將會順延今星期日播放。... ...//」

咁... ...我問唔問多一次好?佢攪到我好似自己啲文字表達能力出咗問題,

佢係咪唔明我問咩?再問多次又會唔會比佢覺得我係到攪事?

比佢BAD LIST就唔好喇,我真係想支持佢地做多啲粵語動畫... ...

但係就覺得,呢間電視台真係越嚟越唔知想點... ...

TVB,我一向都無期望,反而佢會播進擊的巨人同青之拔魔師我又覺得好開心,

加上佢地做開做熟,就算改時間做節目調動都會「得個知字」,因為上一次進擊的巨人2試過(雖然個時我都呆晒)。

但ViuTV... ...佢哋因為直播網球而有節目調動我就睇到幾個通知... ...

應該預早安排好嘅「暗殺教室」就一個通知都無... ...

好似件事都係無奈要接受... ...亦都唔知下次有咁嘅事,可以點去知道。

「總知你有得睇就睇,我哋係咁架喇。」

我都係想支持下粵語配音嘅動畫即,可唔可以做好小小?

其實都可以咩都唔理,一樣有得睇,

不過個感覺好hea,到底係我哋無得要求佢地做好啲?

定係呢個世界已經唔想有要求,有得食咪食?但係又要自怨自哎。

呢個社會真係好奇怪... ...

慘在自己都係生活係呢到當中,

又係過住啲試少少去做,做唔到算嘅生活,

唉... ...又諗起BU Can... ...
標籤: 暗殺教室  viutv  
《繼續吹》- 小肥 睡前打X機?

留言

會員
我要評論
請按此登錄後留言。未成為會員? 立即註冊
  • Cyan Lee
    Cyan Lee 於 18/10/2017 評論 NO. 1

    我只係覺得Fanpiece入面D 人其實都係將D野左抄右抄加D圖就出文,咁就有錢收,真係幾易做。

快捷鍵:←
快捷鍵:→