[ K漫世界 - 龍珠 - 深入民心的宇宙大王 - 菲利 ]

K漫說故事於 23/04/2018 發表 收藏文章
喜歡此空間的同時, 也對FACEBOOK專頁讚好, 謝謝支持!
K漫說故事 - https://www.facebook.com/KCOMICSTORY/


要講到龍珠入面最深入民心嘅奸角,宇宙大王 - 菲利當之無愧。於撒亞人篇中,比達的超強能力已經帶出黎,悟空要用盡九牛二虎之力先可以將比達打至重傷,而且仲要同悟飯、無閒、彌太郎合力先可以趕走比達。不過一進入拿美星篇,連比達同界王聽到個名都驚嘅宇宙大王 - 菲利,出黎個氣勢已經恐怖,仲要菲利身邊嘅手下都要比當時嘅比達更強。


留意一下當悟空同比達於地球一戰時嘅戰鬥力係介乎15,000至25,000之間,當比達受重傷康復後,因為撒亞人血統嘅關係,戰鬥力已經去到24,000,而菲利當時嘅初級左右手多多利安同薩波戰鬥力約21,000至28,000之間,換言之,只知道菲利嘅戰鬥力係超過28,000,而比達於第二次戰鬥擊敗薩波後,認為自己已經有擊敗菲利嘅實力,不過,菲利嘅實力一直係謎,直到去菲利親自去搵大長老拎龍珠,而拿美星戰士嘅尼爾為拖時間而正式單挑菲利,菲利嘅可怕終於慢慢出黎喇! 尼爾嘅戰鬥力係42,000。而呢個時候,宇宙大王菲利終於將自己嘅戰鬥力開估: 530,000,係53萬,即係遠比我地想像嘅高。



去到基紐戰隊黎到,當時已有約90,000戰鬥力嘅悟空與之一戰,但隊長基紐有達120,000戰鬥力,結果悟空要用界王拳將力量提昇到180,000,雖然最後解決左戰隊,而比達再次因傷後康復實力已經提昇至接近菲利
嘅53萬。


由於悟飯等人私下運用龍珠而激嬲菲利,當佢地一戰之時,菲利進行左佢嘅第一次變身,結果戰鬥力提昇至一百萬,遠超即使當時滿有信心嘅比達,而悟飯當時曾經因為無閒被擊傷而發揮瞬間力量到1,200,000,可惜都係未能擊敗菲利。直到與尼爾合體後嘅魔童黎到,實力達1,500,000以為有機會將菲利擊敗。


誰不知,菲利用左佢第二次變身,實力即使提昇到1,800,000加上當然擁有異形嘅外觀,實在令人心寒,結果魔童當然都敵唔過菲利啦。此時此刻,比達又黎自爆再變勁嘅招數,結果實力去到1,800,000但菲利決定以第三變身黎令眾人再次絕望。





2,000,000嘅第三變身出爐,比達再次感到絕望而且已經無力再鬥,傷癒實力提昇一大級嘅悟空出現,比達之死。結果悟空單挑菲利,可惜悟空更強,都敵唔過未用全力嘅菲利,幸好悟空不斷迫出潛力包括20倍界王拳結果亦迫菲利使出一定實力,但............最終仍然敵唔過菲利,呢一刻,菲利變成不可擊破。



悟空只好用元氣彈黎對付菲利,還以為可以解決菲利,點知元氣彈只係令菲利受傷加斷左條尾...........絕望出現。魔童受重傷,無閒被炸,最後終於迫出龍珠Z最強人氣角色- 超級撒亞人 - 孫悟空嘅出現。




雖然及後菲利嘅實力明顯被超級撒亞人孫悟空弱,但係可以迫令眾Z戰士有此絕望之感加上一直以黎嘅奸險設計,令菲利成為最深入民心嘅宇宙大王絕不為過。


即使及後嘅人造人篇及龍珠超初段已成雜碎,但意想不到,鳥山明先生於龍珠超動畫版嘅力量大會篇為菲利帶黎一點驚喜,加洗一洗底,尾段因為佢嘅相助先可以擊敗吉連。




喜歡此空間的同時, 也對FACEBOOK專頁讚好, 謝謝支持!
K漫說故事 - https://www.facebook.com/KCOMICSTORY/

《FanPiece 小劇場》 - 辦公室政治犯ep01

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→